Perquisitions administratives en Corse : le point avec le préfet de Corse
(A redazzioni d'Alta Frequenza) - Ci sò stati setti parquisizioni ditti amministrativi stamani (vennari) in Corsica è mancu una hè sbuccata annant'à fatti verificati di radicalisazioni islamista. Una sola hà inghjinnatu un'azzioni in ghjustizia, ma pà fatti chì ùn ani nulla à chì veda cù l'islamisimu radicali è ancu menu cù u tarrurisimu; si tratta di un affari di cannabis. U prifettu di Corsica, accumpagnatu stamani da u prucuratori di a Republica è i rispunsevuli i più alti di a pulizza è di a gendarmeria, hà cunfirmatu ssa situazioni, mandendu à caternu i vuciati i più scemi chì si sentini. Ssi cunfirmazioni sò stati fatti stamani dopu a riunioni chì hà adunitu i rispunsevuli i più alti di u Statu è i merri di Corsica Suttana ghjunti à senta è à prisintà i sfarenti punti di vista annant'à ssu famosu statu d'urghjenza.
Steti à senta à Christophe Mirmand, u prifettu di Corsica.
Sur le même sujet
