Petit coup de théâtre durant les questions orales à l'assemblée de Corse
(A redazzioni d'Alta Frequenza) - A SNCM : hè torna a cumpagnia marittima chì t'hà una parti maiò ind'i dibattiti è quistioni di a Cullettività Tarrituriali di Corsica. Quissa quì hè adunita pà dui ghjorni di sissioni, è stamani, i quistioni urali si sò intarissati à a prublematica di u serviziu publicu marittimu. Ma i quistioni urali ani vistu dinò nascia un picculu avenimentu. Dopu à una dumanda di Marie Antoinette Santoni Brunelli nant'à "u passa è veni di i direttori di l'uffzii è agenzi" è di a risposta di Paul Giacobbi annant'à ssu sughjettu, u gruppu Femu A Corsica hà dumandatu un'interruzzioni di seenza. Un'intarruzzioni ricusata, ciò chì hà purtatu u gruppu di Ghjuvan Cristofanu Angelini ad andà si ni. Ci hè statu dinò un scambiu anant'à ssu sughjettu trà Camille de Rocca Serra è Etienne Bastelica. Com'è l'eti da stà à senta, certi cunsighjeri stimani chì ssi dibattiti duvariani firmà ind'i cumissioni è micca passà in seenza publica postu chì nomi sò stati dati, è chì cartulari parsunali sò stati ammintati.
Steti à senta un strattu di ciò chì s'hè passatu stamani duranti ssi quistioni.
Sur le même sujet
