Petite amélioration de la conjoncture économique, mais petite hausse du chômage...
(A redazzioni d'Alta Frequenza) - Piccula migliurazioni di a cunghjuntura ecunomica è piccula crescita di u disimpiegu ! I sciffri ch'elli ani cumunicatu l'istanzi naziunali i più alti parini paradussali. I dui graffichi chì difiniscini ssa situazioni ecunomica è chì duvariani prugressà da u so cantu, si toccani guasgi, ciò chì pari essa un paradossu à u nivellu ecunomicu. In fatti, i sciffri di u disimpiegu pà u mesi scorsu sò stati publicati, è ùn sò micca boni torna. In Corsica, u numaru di parsoni chì cercani un impiegu, è scritti ind'i categurii A, B è C, era à a fin di farraghju di u 2015 di 21 956. Cresci d'1,4% (311 parsoni in più) di farraghju (+14,1% in un annu). Pà dipartimentu, ssu numaru cambia trà +1,5% in Corsica Suttana è +1,4% in Corsica Suprana di farraghju di pettu à a fin di ghjinnaghju. In Francia metrupulitana, u numaru di parsoni scritti in ssi listessi categurii ind'è Pôle Emploi cresci di 0,6% di pettu à a fin di ghjinnaghju di u 2015 (+6,5% in un annu). Comu analizà ssi sciffri ?
Steti à senta à Paul Giacomoni, pà u sindicatu Force Ouvrière in Corsica Suttana.
Sur le même sujet
