Pétition pour la non-tenue de rencontres de football un 5 mai en France : plus de 20 000 signatures recueillies
(A redazzioni d'Alta Frequenza) - Mentri chì in Ingliterra, ùn hè più pussibuli di ghjucà à ballò i 15 d'aprili è 29 di maghju, dati di i catastrofi d’Hillsborough è di u Heysel, l'affari hè sfarenti in Francia. A catastrofa di Furiani, chì rammintemula hà fattu 18 morti è più di 2300 feriti u 5 di maghju di u 1992, ferma più cà mai, in Corsica, un traumatisimu impurtanti. L'affari ùn pari micca simuli in cuntinenti, è più particularmenti da u cantu di l'alti istanzi dirighjenti di u ballò, chì malgradu certi ingaghjamenti presi guasgi 20 anni fà, cuntinueghjani ad urganizà scontri u 5 di maghju. Di pettu à una Lega di Ballò Prufessiunali ch'ùn voli micca mova, voci chì si pesani in Corsica da dumandà appena di più dignità, è soprattuttu, rispettu, à a vigilia di u vintesimu anniversariu di issa trista data. Una petizioni hè in linea, nant'à internet, è hà dighjà racoltu più di 20 000 firmaturi.
Écoutez Josepha Giudicelli, à l’initiative de cette pétition
Sur le même sujet
