Pétition pour le respect du 5 mai : on ne lâche rien !
(A redazzioni d'Alta Frequenza) - Sabbatu, Lauda è Josepha Guidicelli ani tinutu una cunfarenza di stampa nant'à a so petizioni contr'à a tinuta di scontri di ballò u 5 di maghju chì veni. In fatti, partiti di Lega 1 è di Lega 2 si devini ghjucà u ghjornu di i vinti anni di a catastrofa di Furiani. Felicitendu si di l'avanzata di a petizioni, chì hà trapassatu i 24 000 firmaturi, ani cundannatu dinò u blucchimi fattu da dui attori impurtanti di u ballò francesi. Frédéric Thiriez, presidenti di a Lega di Ballò Prufessiunali, è Jean-Pierre Louvel, presidenti di u Havre è di l'Unioni di i Squadri Prufessiunali ùn sò micca à prò par avà à u fattu d'avanzà o ritardà i scontri, u primu ammintatu ùn appiendu mancu chjamatu à i dui ghjuvanetti. Iss'ultimi ùn sò ancu sicuri di scuntrà à David Douillet, duranti a so affaccata in Bastia di Ghjinnaghju, ma bramani quantunqua una suluzioni à lestra.
Écoutez Josepha Guidicelli.
Sur le même sujet
