Peut-on rire de tout? Non!
(A redazzioni d'Alta Frequenza) - Si pò rida di tuttu? Innò! Ssa risposta chjara hè quilla di a Lega di i Diritti di l'Omi di Corsica. Dopu à a crescita di a parolla razzista contr'à i corsi in certi media naziunali da a parti d'animatori o umuristi di siconda divisioni, cù l'ultimu asempiu chì ricolla à u principiu di u mesi à a televisiò, a LDH hà vulsutu riagiascia torna una volta. Par ella, a prova si n'hè cù u "famosu" affari Dieudonné, a libertà di sprissioni t'hà duveri è rispunsabilità: dì cosi gattivi contr'à una cumunità ùn pò micca essa un divertimentu senza gravità, ùn si pò uffenda è insultà una cumunità senza essa punitu. U razzisimu contr'à i corsi ùn essendu micca ricunnisciutu da a ghjustizia, u populu corsu ùn asistendu micca par ella, hè difficiuli tandu di difenda si contr'à ssu gennaru d'offesi è di fà cundannà l'autori di quissi quì. Malgradu tuttu, ùn ci voli micca à firmà si à ssu custatu è senza fà nulla, com'ellu a ci dici André Paccou, pà a Lega di i Diritti di l'Omi di Corsica.
Steti à senta à André Paccou.
