Phase 2 du Padduc : l'agriculture occupe une place importante
(A redazzioni d'Alta Frequenza) - A siconda fasa di u Padduc hè stata prisintata vennari scorsu in Aiacciu à l’uccasioni di una grandi riunioni chì hà adunitu aldilà di i rispunsevuli maiò di a Cullettività di Corsica, i servizii di u Statu è a raprisintazioni pulitica di l’isula. Lanciata di sittembri di u 2010, l’elaburazioni di u pianu di sviluppu durevuli di a Corsica hè intruta dunqua ind’una fasa nova, seguita di l’assisi di u fundariu è di l’alloghju, eppo quilli di u liturali. Cù u PADD, s’entri oramai nant’à u latu tennicu di u mudellu di sviluppu è pà què parechji riunioni, attelli ditti « transversaux » righjunali è attelli dicintralizati sarani urganizati. Si trattarà stavolta di difiniscia i mezi è l’arnesi à metta in opara pà sbuccà nant’à l’elaburazioni di u Padduc. Issu travaghju duvaria essa chjosu à a fin di l’istati cù una prisintazioni davanti à l’Assemblea di Corsica à u mesi d’uttrovi. S’hè pussutu custatà vennari chì l’accunsentu largu arrighjistratu da u cantu di l’Assemblea di Corsica nant’à a forma di a dimarchja hè sempri quì ma omu hà pussutu rimarcà dinò chì à partasi di u mumentu duva s’entri ind’a cumplessità di l’affari i difficultà si multiplicheghjani. Omu hà parlatu assai d’agricultura vennari scorsu, a prova forsa chì iss’attività ecunomica hè à u centru di tutti i prublematichi di a Corsica, è pinsemi ben intesu à i prublemi di u fundariu. Joseph Colombani, com’è sempri, dici l’affari com’elli sò è senza svianza ; s’è certi dicisioni fundamintali ùn sò micca presi, s’hà da riarmà u FLNC, hà annunziatu quissu quì.
Écoutons le tout nouveau président de la Chambre régionale d'agriculture.
Sur le même sujet
