Phase 2 du Padduc : l'Etat veillera au bon déroulement du processus
(A redazzioni d'Alta Frequenza) - A siconda fasa di u Padduc hè stata prisintata vennari scorsu in Aiacciu à l’uccasioni di una grandi riunioni chì hà adunitu aldilà di i rispunsevuli maiò di a Cullettività di Corsica, i servizii di u Statu è a raprisintazioni pulitica di l’isula. Lanciata di sittembri di u 2010, l’elaburazioni di u pianu di sviluppu durevuli di a Corsica hè intruta dunqua ind’una fasa nova, seguita di l’assisi di u fundariu è di l’alloghju, eppo quilli di u liturali. Cù u PADD, s’entri oramai nant’à u latu tennicu di u mudellu di sviluppu è pà què parechji riunioni, attelli ditti « transversaux » righjunali è attelli dicintralizati sarani urganizati. Si trattarà stavolta di difiniscia i mezi è l’arnesi à metta in opara pà sbuccà nant’à l’elaburazioni di u Padduc. Issu travaghju duvaria essa chjosu à a fin di l’istati cù una prisintazioni davanti à l’Assemblea di Corsica à u mesi d’uttrovi. S’hè pussutu custatà vennari chì l’accunsentu largu arrighjistratu da u cantu di l’Assemblea di Corsica nant’à a forma di a dimarchja hè sempri quì ma omu hà pussutu rimarcà dinò chì à partasi di u mumentu duva s’entri ind’a cumplessità di l’affari i difficultà si multiplicheghjani. Maria Giudicelli, a cunsighjera esecutiva incaricata di u Padduc ci hà dighjà prisintatu u prucedimentu à vena, un prucedimentu chì s’hà da fà sottu à l’ochju propiu attenti di u Statu.
Ecoutez Patrick Strzoda, préfet de Corse.
Sur le même sujet
