Plan grand froid : les associations témoins de la précarité
(A redazzioni d'Alta Frequenza) - U prifettu di Corsica Suprana Alain Rousseau hà prisintatu à a fin di a settimana scorsa u pianu "grand froid" in ballu dipoi u mesi di nuvembri. S'è quissu quì hè forsa menu difficiuli à cuncipiscia cà inde altri dipartimenti, postu chì i timperaturi facini chì u nivellu 1 ùn hè guasgi mai trapassatu, ferma quantunqua un inghjocu impurtanti. Un pianu pà u fretu, vali à dì alloghji pà i senza casa o ancu pà i parsoni chì stani ind'un alloghju micca abbastanza degnu pà suppurtà l'inguernu. Di fattu, 121 posti inde ginnasi o lucali cumunali in tuttu u dipartimentu poni essa mubilizati in casu di fretu eccezziunali, mentri chì 105 posti d'alloghju sò dispunibuli à qualsiasi mumentu, 71 posti essendu dati à i parsoni in inserzioni, 32 in accolta d'urghjenza è dui essendu dispunibuli à l'uspidali di Corti, l'altri essendu nant'à u grandi Bastia. Ch'ellu si trattessi di strutturi misti, com'è i lochi spicifichi di Furiani o di Maria Stella, o di strutturi cunsacrati solu à l'urghjenza, com'è A Fratellanza, a so utilità hè propiu quì par disgrazia, pieni à 98% in media l'inguernu scorsu, 225 parsoni essendu stati accolti.
Steti à senta à Anne Sogno Bezza, direttrici di a struttura di Furiani.
Sur le même sujet
