PLU d'Ajaccio: la réponse de Paul-Antoine Luciani au groupe d'opposition de droite
(A redazzioni d'Alta Frequenza) - U gruppu d’uppusizioni municipali «Union pour Ajaccio » hà fattu una cunfarenza di stampa in fin di settimana scorsa pà parlà di u Pianu Lucali d’Urbanisimu di a cità, chì sarà prisintatu stasera (marti) duranti u cunsighju municipali. Quissu quì faci sapè a so surpresa di pettu à u fattu chì issu ducumentu ditarminanti pà l’avvena d’Aiacciu sighi prisintatu cusì in furia, par contu soiu, mentri chì ci sò « altri ducumenti essenziali à u PLU chì sò sempri in attesa ». Un PLU chì, pà u gruppu di diritta, mostra « un’assenza di curaghju è di visioni pulitica maiò » di a maghjurità in materia di trasportu, inghjiru à a prublematica di a circulazioni, di u sviluppu ecunomicu o di u suciali. « Union pour Ajaccio » dinunzia dinò u metudu pà a rialisazioni di l’inchiesta publica è dumanda chì issa prisintazioni sighi rimandata à partasi di marzu di u 2014, data di l’alizzioni municipali à vena. A risposta di a municipalità ùn s'hè micca fatta aspittà; hè intarvinuta nanzi à u cunsighju municipali chì asasmineghja stasera u so Pianu Lucali d'Urbanisimu. Pari chì a risposta sighi à paru cù l'attaccu, vali à dì assai forti, com'è a ci dici Paul Antoine Luciani, primu aghjuntu à u merri, incaricatu di issa quistioni.
Ecoutez-le.
Sur le même sujet
