Plus de 15000 demandeurs d'emploi en Corse
(A redazzioni d’Alta Frequenza) - I novi misuri à prò di l'impiecu è di a furmazioni prufessiunali sò stati prisintati in mità di settimana scorsa in prifettura di Corsica. Si tratta di u dispusitivu ritinutu da u guvernu dopu à l'adunita di crisi chì s'hè fatta calchì simana fà, ciò ch'omu hà chjamatu u "sommet social". U bilanciu di u 2011 hè statu prisintatu piuttostu com'è purtadori di suddisfazioni parchì chì ùn s'hè censatu nisunu scartu maiò inde l'attività; in fatti, sicondi à fonti ufficiali, si dici chì i sciffri d’affari sò crisciuti in mezana di 5% è fin'è 8% inde u BTP. Eppuru, iss'attività ùn hà micca parmissu di sradicà a prugressioni di u disimpiecu; nant'à un annu, quissu quì hè crisciutu di 6,5%; si trapassa oramai i 15 000 parsoni à dumandà un impiecu. Issi misuri pà l’impiecu è a furmazioni pudariani fà calà di modu artificiali i sciffri di u disimpiecu ? Hè a quistioni difficiuli ch’è n’emi posta à Dany Bergeot, u direttori righjunali di Pôle Emploi chì ci hà rispostu vulinteri
Ecoutez Dany Bergeot.
