Plus de 15 000 m2 de mousse de rembourrage de matelas partis en fumée ce dimanche à Biguglia
Duminica in meza ghjurnata, hè scappatu u focu in a zona industriali di u Tragone, in Biguglia.
Sò picciati scarti di imbuttitura di strapunti, à liveddu di a impresa AM Environnement.
Sò stati mandati mezi in quantità supr’à locu, cù i spinghjifoca di Lucciana è di Bastia.
Hè statu sicurizatu u locu, da ch’iddu ùn tocchi u focu i rimissi chì l’erani à torru.
U focu hè statu ammaistratu à sei ori, ma hà picciatu circa 15 000m² d’imbuttitura di strapunti.
Via u ghjurnali Corse-Matin, si hè dittu surpresu u girenti di a impresa, di veda scappà un focu u solu ghjornu ch’iddu ùn ci era u guardianu.
Tuccarà à a inchiesta à difinì ni l’urigina.
Sur le même sujet
