Plusieurs incendies de véhicules dans la région bastiaise
(A redazzioni d'Alta Frequenza) - Parechji vitturi sò stati distrutti da fochi ssa dumenica à partasi di 3 ori di mani inde l'agglumerazioni bastiaccia. Viali Sampieru Corsu prima, una vittura hè stata distrutta à 100% da i fiari. Dopu, dui veiculi di un'intrapresa di muradori sò stati brusgiati in Erbaghjolu. Una famighja, chì stà vicinu à ssi lochi, hè stata missa in securità da i spignifochi dopu chì i vetri di a so casa avissini cunnisciutu una splusioni par via di u caldu inghjinnatu da i fiari. L'appartamentu hè statu ventilatu da i succorsi, nimu hè statu feritu. Una vittura è un camiò sò stati tocchi à gradi sfarenti. Infini, un arnesi di cantieru hè statu toccu dinò in Casatorra, induva quì dinò i suldati di u focu sò stati mubilizati.
Sur le même sujet
