Pôle Emploi Corse mise sur la simplification des services pour plus d'efficacité
(A redazzioni d'Alta Frequenza) - Dipoi calchì mesi, i parsoni in cerca di un impiegu chì si devini scriva o scriva torna ind'è Pôle Emploi in Corsica a devini fà di manera ubligatoria grazia à internet. Cù un serviziu simplificatu dispunibuli annant'à pole-emploi.fr, a parsona pò fà i so dimarchji di scrizzioni è di dumanda d'allucazioni senza essa ubligata ad andà in a so agenza è à aspittà certi volti duranti minuti longhi pà un picculu rinsignamentu. S'è quillu chì dumanda un impiegu ùn hà micca internet, ci pò avè accessu ben intesu in parechji punti d'accessu multimedia o ancu grazia à borni missi à dispusizioni in a so agenza Pôle Emploi. Da un'antra banda, un'ufferta nova di serviziu digitali hè dispunibuli, cù a pussibilità pà quillu chì cerca un impiegu, cù una piattaforma ditta Emploi Store, d'apprufittà di 123 servizi, par asempiu un simulatori d'intrattenu d'impiegu rialistu o un aiutu à a redazzioni di u CV in linea. Una simplificazioni di i servizi par andà fin'è l'essenziali, eccu a filusufia di Pôle Emploi in Corsica chì metti dinò a furmazioni à u più altu in l'ordini di i so priurità.
Steti à senta à Pierre Péladan, u direttori regiunali di Pôle Emploi Corsica.
