Polémique autour de la communauté de communes Marana-Golo : explications du préfet
(A redazzioni d'Alta Frequenza) - C'era ssu ghjovi una sissioni nova di u cunsighju generali di Corsica Suprana, ed hè stata l'uccasioni pà u prifettu di prisintà u bilanciu di i servizi di u Statu. Ma prima, Jean Marie Vecchioni, cunsighjeru generali di l'Altu di Casacconi è merri di Campile, hà fattu cunnoscia a so scuntintezza forti cuncirnendu u fattu chì u prifettu ùn vulissi micca accurdà a surtita di Campile, Crociccia, Ortiporiu, Penta Acquatella è Prunelli di Casacconi da a cumunità di cumuni di Marana Golu chì hà accittatu pà contu soiu a voglia di ssi cinqui cumuni di fà a so cumunità specifica. Un colpu forti prima di sbatta a porta, parchì pà Jean Marie Vecchioni, tutti i guaranzii sò aduniti pà lacà ssi cumuni libari. S'è u prifettu di Corsica Suprana adimetti chì i criterii demugrafichi sò riuniti pà pudè di di sì à ssa cumunità di cumuni, custituisci d'appressu à ellu una gattiva idea par via di a so taglia assai chjuca.
Steti à senta à Alain Rousseau.
Sur le même sujet
