Polémique autour des aides européennes de la pruniculture en Corse
(A redazzioni d'Alta Frequenza) - L'affari sò in francesi trà i prugnicultori, a camara righjunali d'agricultura è l'autorità. In fatti, i prugnicultori, dopu una riunioni in camara d'agricultura, sò stati ricivuti da a DDTM in Bastia pà pudè parlà di a riduzzioni di più di 90% di l'aiuti aurupei pà a Corsica di a Pulitica Agricula Cumuna ver di a so filiera à partasi di quist'annu. Un muvimentu chì à u nivellu naziunali hè statu dinò iniziatu, ma in prupurzioni trè volti menu impurtanti quist'annu, tuttu simpliciamenti pà ghjunghja da quì à cinqui anni à un cambiamentu à u nivellu di l'aiuti aurupei trà cultivatori è allivadori, postu chì i sfarenzi chì asistini sò assai impurtanti. Troppu impurtanti sicondu a Camara d'Agricultura di Corsica chì hà vulsutu, à partasi di quist'annu, rializà a parti a più impurtanti di a strada, postu chì par asempiu, induva certi allivadori toccani solu trenta centimi d'auri par un ettari, i prugnicultori tuccavani fin'è tandu 2 000 auri par ettari. Ma pà Ghjaseppu Colombani, u presidenti di a Camara righjunali d'Agricultura chì susteni malgradu tuttu i prugnicultori chì sarani ricivuti ghjovi da u ministru di l'Agricultura Stéphane Le Foll in visita in Corsica, quissi quì sapiani eppuru chì s'avia da metta in ballu ssu cambiamentu, ancu s'è quissi quì ùn sò micca andati à i riunioni publichi d'infurmazioni, è pensa soprattuttu ch'ellu si devi mancu appena tuccà à i soldi pà a Corsica pà pudè arrigulà u prublema di disparità cù u cuntinenti pà una filiera chì và ver di a morti.
Steti à senta à Ghjaseppu Colombani.
