Politique économique du nouveau gouvernement : le sentiment de FO Finances
(A redazzioni d'Alta Frequenza) - Si stringhji a cinta ! A maghjina ammintata arimani (luni) da Force Ouvrière à l'uccasioni di a so riintrata pulitica hè carca à sensu. Ci voli à dì chì guasgi 10% di disimpiecu, guasgi 20 000 parsoni chì dumandani un impiecu, 20 000 parsoni à a CMU, più di 250 intrapresi in prublema, a Corsica sà di ciò ch'ella parla in materia di blucchimi ecunomicu è di difficultà suciali. À l'arringuerciu d'altri urganisazioni sindicali, forsa appena di più ottimisti nant'à a realtà di a situazioni ecunomica, FO tira à balli rossi nant'à a pulitica ecunomica missa in ballu da u guvernu novu. Force Ouvrière hà rigrittatu assai arimani u sistema di passaghji mutuali missu in ballu da u guvernu in materia di criazioni d'impiechi ind'u settori publicu. Certi amministrazioni, hà dittu cù forza u sindicatu, mancani ancu di carta è di mini da rializà à u meghju a so missioni di serviziu publicu, è l'affari hè appena esageratu.
Écoutez Jean Claude Vesperini, pour FO Finances.
