Politique : les corses doivent construire tous ensemble un projet d’avenir pour l’île !
(A redazzioni d'Alta Frequenza) - Hè tutti insemi chì i corsi devini custruiscia un prughjettu d’avvena pà l’isula ! Ssu missaghju hè statu ripitutu duranti l’ultimi mesi, eppo dinò par asempiu duranti i Ghjurnati Internaziunali di Corti à u principiu d’aostu, induva sfarenti eletti isulani ditti di prugressu ani rispostu à l’invitu di l’indipendentisti di Corsica Libera. Ssu luni, u Prima ministru Manuel Valls hà prisintatu a demissioni di u so guvernu ; ni duvarà cumpona unu novu dunqua è prisintallu di manera ufficiali da quì à calchì ora. Tandu, ci pudemi pona una dumanda : a « madama Corsica » di ssa squadra, a ministra di a Riforma di u Statu, di a Dicintralisazioni è di a Funzioni Publica Marylise Lebranchu, farà parti o micca di u guvernu « Valls II » ? A risposta sarà cunnisciuta ssu marti. Aldilà di ss’evenimentu quì, tuttu ognunu cuntinueghja à travaghjà inde l’isula, par asempiu à l’Assemblea di Corsica pà pudè prupona à u Statu un prughjettu chì inghjinnessi à volta un accunsentu largu è chì purtessi avanzati istituziunali è custituziunali novi.
Steti à senta a cunsigliera esecutiva è rispunsevuli di u Partitu Sucialistu in Corsica Suprana, Emmanuelle de Gentili.
