Politique sportive de la CAB : Inseme per Bastia satisfait mais prudent
(A redazzioni d'Alta Frequenza) - A dumenicata scorsa, un studiu longu cuncirnendu a pulitica spurtiva à metta in ballu ind'a Cumunità d'Agglumerazioni di Bastia hè statu prisintatu duranti l'assisi di u sportu. Nentru à quissu quì, a missa in avanti di u bisognu di u palazzu di i sports, ma dinò insistenza annant'à punti com'è l'arnesi spurtivi, troppu vechji, i prublemi d'accessibilità, a gistioni fin'è oghji prublematica di l'ori pà l'adopru di l'arnesi è dinò un sistema d'attribuzioni di i suvvenzioni chì ùn và micca à u nivellu di l'imparzialità è di l'ugualità. Cunclusioni chì cunvenini à Inseme per Bastia, com'è l'impegnu annant'à a missa in valori di a basa nautica di l'Arinella. Ma u gruppu puliticu, vicinu à Gilles Simeoni, ferma assai attenti pà ciò chì tocca l'appiecazioni di ssi brami novi, annant'à l'urghjenza di rinnuvà certi arnesi chì sò guasgi periculosi sicondu Inseme, è soprattuttu di fà asista u più prestu pussibuli una vera pulitica spurtiva ogni ghjornu ind'a CAB, cù l'affirmazioni nova di una pruposta di u prugramma d'Inseme per Bastia duranti u prima ghjiru di l'alizzioni municipali di l'annata scorsa, vali à dì a criazioni di un Uffiziu Cumunitariu di i Sports.
Steti à senta à Cyril Giuntini pà Inseme per Bastia.
