Port de la Carbonite : l'horizon loin d'être dégagé pour Gilles Simeoni
(A redazzioni d'Alta Frequenza) - Nè iè, nè innò, hè cusì ch’è no pudariami riassuma a pusizioni di Gilles Simeoni, u merri di Bastia, dopu a prima riunioni di u cumitatu di direzzioni di u prughjettu di u portu di a Carbonita. Un parè ghjustificatu d’appressu à ellu da l’attesa di u risultatu di i studii, ma dinò di ditagli in più annant’à a manera di fà, in tutti i casi di figura, postu chì fermani sempri parechji incertezzi sicondu ellu. Hà insistutu dinò da fà chì u latu circulazioni sighi presu in contu, com’è quillu di a securisazioni di u portu di cummerciu attuali, chì ghjuvarà torna duranti parechji anni, ancu s’è u portu di a Carbonita duvia nascia, postu chì a sfruttera di l’anzianu portu parmittaria di finanzià a siconda parti di l’edificazioni di u portu novu.
Steti à senta à Gilles Simeoni, annant’à a riserva.
