Port méthanier du Ricantu: rétablir la vérité!
(A redazzioni d'Alta Frequenza) - À u cuntrariu di l'inchietudini chì poni essa intesi quì o culà, a campagna eletturali c'hè pà calcosa, ùn ci sarà micca portu pà battelli traspurtendu gaz nant'à u situ di u Ricantu. Ss'inchietudini, chì parini essa leghjetimi di pettu à u fattu chì si sia un situ Natura 2000 in pienu sviluppu vicinu, sò ridutti largamenti da un ducumentu prisintatu l'8 di nuvembri da l'Assemblea di Corsica. Quissu quì, nant'à a dilegazioni di serviziu publicu pà l'accunciamentu è a sfruttera di u portu d'Aiacciu priciseghja bè l'affari. Par via di u spiazzamentu di certi attività rilativi à u portu - quilli nant'à i marcanzii micca accumpagnati - si sà chì un novu portu di cumerciu sarà custruitu à i Salini rimpiazzendu u puntili San Ghjaseppu. U passaghju di u gaz da un stuvigliu à un antru, chì si faci par avà ind'i Salini, è di i prudutti liati à u petroliu, chì si faci in San Ghjasè, sarà dunqua trasferitu à u Ricantu. Pà dà u più pricisioni pussibuli nant'à ssu cartulari, ripighjemi parolla à parolla u raportu di l'Esecutivu di Corsica nant'à ss'uparazioni quì (leghja più sopra). Ùn ci hè micca bisognu d'essa troppu astutu pà capiscia chì ùn si trattarà micca di a custruzzioni di un portu pà battelli traspurtendu gaz com'ellu hè stata prisintata nant'à affissi ma bè d'attività chì asistini dipoi un pezzu ind'u centru di a cità. Quissi quì sarani tuttu simpliciamenti spiazzati ver di un situ didicatu chì asisti dinò dipoi più di quaranta anni è chì sarà accunciatu pà l'uccasioni. I millai d'innamurati di ssu situ ùn devini micca essa intimuriti dunqua, u Ricantu ùn sarà micca trasfurmatu ind'un affari chì hà da sfigurà u paisaghju.
