Pose de la 1ère pierre de l'EHPAD de Cargese
(A redazzioni d'Alta Frequenza) - A prima petra di i futuri EHPAD è polu di saluta pluridisciplinariu di Carghjese hè stata posta ssu vennari cù Laurence Rossignol, secretaria di Statu à a famighja. Si tratta di un prughjettu purtatu da l'unioni di i mutuali di Corsica Suttana, purtendu annant'à un investimentu di 6 millioni d'auri (5 800 000 auri da i mutuali è 200 000 auri da a CTC). U latu funziunamentu hè di 2 millioni d'auri finanziati da u CG27/ARS/ A Mutualità è i spesi d'accolta virsati da i residenti. L'EHPAD t'avarà una capacità di 24 letti è accugliarà in priurità i parsoni di i Dui Sevi è di i Dui Sorru. Ssu stabilimentu hà da parmetta à i parsoni anziani di u rughjoni d'ùn essa micca alluntanati da u so ambienti suciali è famigliali. U polu di saluta pluridisciplinariu si scrivi daveru ind'u cuntrattu lucali di saluta cù un'ufferta di cuntinuità di curi di prima è di sicondu bisognu, in articulazioni cù a permanenza di i curi ambulatorii è a cuurdinazioni in casa. Si tratta dinò di un'urganisazioni di i curi trà prufiziunali di saluta.
Steti à senta i spiecazioni di Jean Jacques Coiplet pà l'ARS di Corsica.
Sur le même sujet
