Possible échec du projet de réforme constitutionnelle : ce qu'en pense Jean-Guy Talamoni
(A redazzioni d'Alta Frequenza) - U trenu di a riforma custituziunali, issu famosu trenu chì a Corsica avaria pussutu pighjà ind'u quadru di u so prughjettu di riforma glubali, ùn hè micca isciutu fora di u farru ma ferma in gara par avà. A famosa regula di i 3/5i di u Parlamentu, chì si pò appiecà à qualsiasi riforma custituziunali, impidisci issu trenu di parta ; è s'è par avà, ùn si pensa micca à a sviata, ci vularà forsa quantunqua ad aspittà dinò un pezzu prima di pinsà à issu viaghju. In tutti i casi, u travaghju rializatu da u cantu di l'Assemblea di Corsica, è frà altru da Pierre Chaubon cuntinueghja. È s'è par avà, ùn si pensa micca à pighjà issu trenu quì, ùn hè micca impussibuli chì un antru trenu si prisintessi à a gara. Ghjuvan Guidu Talamoni và più luntanu inde l'affirmazioni pà contu soiu. S'è issu trenu di a riforma custituziunali naziunali ùn si prisenta micca, ferma solu ad aspittà u trenu chì veni dopu, quillu chì và solu ver di a Corsica.
Ecoutez Jean-Guy Talamoni.
Sur le même sujet
