Possible grève des marins CGT SNCM-CMN le 15 juin : l'avis du STC
(A redazzioni d'Alta Frequenza) - Un preavisu di greva di 24 ori pà issu vennari hè statu postu da i marinari CGT di a SNCM è di a CMN inde tutti i porti di a cuntinuità tarrituriali, è nant'à Tulò, Nizza, Marseghja è qualsiasi altra destinazioni. Un preavisu ghjustificatu da u ricusu di u novu ministru di i Trasporti è di l'Ecunumia maritima, di risponda à i dumandi di u sindicatu, dopu chì u scontru cù un cunsighjeru di u novu Presidenti di a Republica sighi statu rimandatu u 15 di maghju scorsu. Una greva chì pudaria inveci micca fà si, parchì una dilegazioni CGT devi essa ricivuta oghji (marcuri) in Parighji pà una riunioni à u ministeru di i Trasporti, da caccià issu preavisu di gravi. A CGT, rammintemu la, dumanda l'appiecazioni di i legi suciali francesi à tutti i cumpagnii fora di u righjistu internaziunali francesi. Da u cantu di u STC, pari chì u sughjettu trattatu ùn intarissessi micca. Pà Alanu Mosconi, ci sò altri priurità à difenda, com'è l'impiechi à a SNCM o ancu l'avvena di a cumpagnia dopu à a statina.
Écoutez Alain Mosconi.
Sur le même sujet
