Possible prorogation des Arrêtés Miot : "une excellente nouvelle" pour Gilles Simeoni
(A redazzioni d'Alta Frequenza) - A mudificazioni drentu à u prughjettu di bughjettu 2013 nant'à l'esunerazioni di i diritti di successioni nant'à i bè immubiliari, i famosi Arresti Miot, ch'ella t'hà a Corsica dipoi più di dui seculi, hè statu aduttatu arimani (marcuri) da a cummissioni di i Finanzi di l'Assemblea Naziunali. Ùn ci voli micca à venda a pelli di l'orsu prima d'avè lu tombu! Eccu a riazzioni di Paul Giacobbi stamani nant'à un testu chì sarà asaminatu issu dopu meziornu da l'Assemblea Naziunali. Nurmalamenti, ùn ci duvaria micca essa prublema pà l'aduzzioni di issa mudificazioni chì andarà dopu davanti à u Senatu pà un accunsentu difinitivu. Rammitemi chì issa mudificazioni dumanda a prulungazioni pà cinqui anni in più di l'Arresti Miot, è dunqua fin'è u 2017. U gruppu Femu a Corsica di l'Assemblea di Corsica s'era vulsutu fà senta calchì ghjornu fà da dumandà, anch'ellu, a prulungazioni di u dispusitivu attuali. Ed hè dinò una bunissima nutizia pà Gilles Simeoni.
Écoutez Gilles Simeoni.
Sur le même sujet
