Pour Gilles Simeoni, François Tatti doit quitter la présidence de la CAB
(A redazzioni d'Alta Frequenza) - François Tatti hè sempri presidenti di a Cumunità d'Agglumerazioni di Bastia ma n'hà persu a maestria, eccu ciò ch'ellu si pò ritena di u cunsighju cumunitariu di ssu marcuri induva un bughjettu hè statu vutatu cù 33 voti à prò è 7 eletti chì ùn ani micca participatu, quilli di l'uppusizioni, eppo François Tatti è i so fideli Françoise Vesperini è Julien Morganti. Cù trentatrè membri inveci di trentasei dopu à a spiccanza di François Tatti è i so dui eletti, a maghjurità cumunitaria teni una bella suprana. Ciò chì faci piacè à u merri di Bastia, Gilles Simeoni, unu di i cinqui merri chì hà vintu dunqua, videndu u bughjettu mudificatu da i cinqui municipalità di a CAB essa aduttatu. S'ellu si tratta micca di un affari pà arrigulà i so conti à u nivellu puliticu d'appressu à Gilles Simeoni, quissu quì, pensa quantunqua chì François Tatti devi lacà a presidenza di a CAB.
Steti à senta à Gilles Simeoni.
Sur le même sujet
