Pour Gilles Simeoni, l'Office Hydraulique n'a pas les moyens de jouer son rôle
(A redazzioni d'Alta Frequenza) - Ssu marti, a Cumunità d’Agglumerazioni di Bastia hà aduttatu u passaghju di a gistioni di l’acqua è di l’assanimentu in regia à u 1a di ghjinnaghju chì veni, cumpiendu cusì a so cullaburazioni cù l’Uffiziu d’Ecchipamentu Idrolicu di a Corsica. S’è Gilles Simeoni ùn hà micca participatu à u votu par via di u so rollu di membru di u cunsighju d’amministrazioni di l’OEHC, hà fattu spuntà quantunqua riservi pà ciò chì tocca a suluzioni di regia ch’ellu ùn cuntesta micca malgradu tuttu. Riservi à u nivellu finanziariu, parchì quissu quì temi svianzi chì tuccariani u prezzu di l’acqua, insistendu annant’à prublemi, d’appressu à ellu, di bughjettisazioni di a transizioni trà a DSP è a regia cù bisogni, par asempiu in materiali automobili è in lucali, chì sariani stati scurdati in i sfarenti calculi, valutendu à u minimu à 700 000 auri u costu di a transizioni. Duranti ssa seenza, Gilles Simeoni hà criticatu dinò l’Uffiziu Idrolicu chì ùn hè più capaci d’appressu à ellu di riescia a so missioni, prova si n’hè u fiascu ind’u cartulari di l’acqua in Bastia cù prezzi ghjudicati com’è eccessivi pruposti duranti l’ultima chjama à l’ufferti. A raghjoni : un intervenziunisimu troppu impurtanti di u puliticu inde l’impieghi sicondu Gilles Simeoni.
U stemi à senta.
Sur le même sujet
