Pour la CGT, la Ghjuventu Indipendentista est manipulée par l'Exécutif de Corse
(A Redazzione d'Alta Frequenza) - I ghjovani di a Ghjuvantù Indipindintista sò manipulati da l'Isicutivu di a Corsica ! A frasa, chì pichja è sciucchittighja, hè stata lintata da Jean-Pierre Battestini, sicritariu dipartimintali di a CGT Cismuntinca. U sindicatu prisintaia, cù a FSU, a manifistazioni di u 1u di maghju par luttà contru à l'austirità è, à liveddu righjunali, contru à u disimpiegu sempri più forti in Corsica. In prima ligna sò stati missi u casu di a SNCM, i turburi suciali à a CORSSAD, è una chjama à a ghjuvantù. In leia cù issa chjama, a CGT hè vultata à nantu à a greva lla fami fatta da parichji militanti di a Ghjuvantù Indipindintista issa duminica in Corti. Pà u sindicatu, hè una manera stremista di purtà rivindicazioni irrealisti è piriculosi com'è u statutu di risidenti. Pà iss'ultimu puntu, u sindicatu u metti à paru cù i sittanta anni di a fini llu nazismu in Auropa, parvia di i diffarenzi di trattamentu liati à l'urighjina ch'iddu faria nascia issu statutu, sicondu a CGT. Steti à senta à Jean-Pierre Battestini
Sur le même sujet
