Pourquoi Alta Frequenza n'a pas parlé du Tour de France sur ses ondes
(A redazzioni d'Alta Frequenza) - Seti parechji à dumandà ci parchì a vostra radiu, Alta Frequenza, a radiu di a Corsica, ùn hà micca parlatu di u Ghjiru di Francia nant'à i so ondi, è u so situ internet, duranti ssi trè ghjorni. A festa essendu compia, è u Ghjiru essendu oramai fora di l'isula, eccu una piccula spiecazioni. Alta Frequenza ùn hà micca participatu à a festa, pà a raghjoni simplici chì i so ghjurnalisti ùn sò micca stati invitati à l'avenimentu. Malgradu parechji dumandi ch'è n'emi ricivutu, ùn avemi mai riisciutu à avè i famosi accreditazioni pà pudè travaghjà. Pà dì chì Alta Frequenza ùn era mancu appena vulsutu nant'à l'avenimentu, ci hè solu un passu. Ma pari chì ùn semi micca stati i soli. Ind'u so ghjurnali, u Nouvel Obs mittia ancu com'è titulu « Tour de France 2013 : les Corses grands oubliés », parlendu frà altru di u trattamentu propiu bassu di a stampa isulana indipendenti (cunfirmemi), u paesi corsu biotu, luntanu da a ghjunta di a fin di tappa, o ancu eletti missi da cantu. Ma infini, si trattava di u Ghjiru di Francia, è micca di u Ghjiru di Corsica. Tuttu si pò spiecà forsa tandu...
