Poursuite de la période d'observation de la SNCM : délibéré le 4 février
(A redazzioni d'Alta Frequenza) - U tribunali di cummerciu di Marseghja hà rimandatu à u 4 di farraghju ssu marcuri a so dicisioni cuncirnendu u fattu ch’ellu cuntinuessi u tempu d’usservazioni di a SNCM in adirrizzamentu ghjudiziariu. A situazioni pusitiva di a tisuraria duvaria parmetta di cuntinuà ssu tempu d’usservazioni è di schisà a liquidazioni ghjudiziaria, sicondu a direzzioni di a cumpagnia. Un raportu di tappa hè statu prisintatu da l’amministratori ghjudiziarii duranti ssa seenza chì duvia parmetta di verificà s’è i capacità finanziari di a SNCM bastani è li parmettini d’assicurà u finanziamentu di a so attività è di pighjà una dicisioni annant’à u meritu di cuntinuà u tempu d’usservazioni o una cunversioni pussibuli in liquidazioni ghjudiziaria. Altra tappa pà a cumpagnia marittima oghji (ghjovi) cù un cunsighju di survighjenza in Parighji in prisenza di l’amministratori ghjudiziarii pà pudè cunnoscia i seguiti chì ani da essa dati da l’azziunari à i dumandi fatti ind’u quadru di a prucedura sottu à l’autorità di u tribunali di cummerciu.
Sur le même sujet
