Préavis de grève à la SNCM et à la Méridionale à partir du 1er janvier prochain
(A redazzioni d'Alta Frequenza) - A CGT hà postu un preavisu di greva chì puduria essa prulungatu à partasi di u 1a di ghjinnaghju di u 2014 ind’a SNCM è a Méridionale. U sindicatu hè in fatti contr’à u dicretu in priparazioni ind’u ministeru di i Trasporti nant’à i reguli suciali appiecati à i travaghjadori stragneri ind’u settori marittimu. Un dicretu chì, d’appressu à a CGT, battaria à prò di « l’intaressi di l’armatori, à u cuntrariu di l’ingaghjamenti di u ministru », urganizaria a « liberalisazioni » di u settori è custituisciaria « dumping suciali contr’à i nostri impiechi ». Un testu chì, sempri sicondu u sindicatu, saria largamenti favurevuli à a Corsica Ferries, cumpagnia chì faci travaghjà squadri internaziunali. A CGT faci sapè dinò a so scuntintezza contr’à un raportu publicatu da a Cullettività Tarrituriali di Corsica è una nova deliberazioni di u presidenti di u Cunsighju Esecutivu pà ciò chì tocca l’ubligazioni di serviziu publicu ind’u marittimu, chì rimittaria in causa « tuttu u serviziu publicu di cuntinuità tarrituriali à prò di a Corsica Ferries è di u mudellu Low Cost ».
