Préavis de grève de la CGT SNCM et CMN pour le 5 mars prochain
(A redazzioni d'Alta Frequenza) - Preavisu di greva di a CGT SNCM è CMN pà u 5 di marzu. Parechji punti ind’a scuntentezza, frà i quali a famosa direttiva Bolkenstein chì inghjinnaria l’apartura di i ligni di serviziu publicu di cuntinuità tarrituriali pà cumpagnii internaziunali. Altru mutivu di cuntestazioni pà u sindicatu, a ghjunta di un novu battellu pà a cumpagnia, accumpagnatu forsa da parsunali grechi. I raprisintanti di i salariati dumandani dinò l’apartura di neguziazioni inghjiru à l’accordu patrunali di cumpetitività impiecu è di parechji sanzioni contr’à dirighjenti sindicali. Ferma à sapè oramai s’è issu preavisu di greva hà da divintà effettivu, o s’è discussioni trà sindicatu è direzzioni pudariani parmetta di caccià lu.
Sur le même sujet
