Première Journée des éditeurs corses 2014 ce vendredi à Ajaccio
(A redazzioni d'Alta Frequenza) - Hè ssu vennari chì sarà urganizata da 3 ori fin'è mezanotti nant'à a piazza Foch in Aiacciu a prima Ghjurnata 2014 di l'editori corsi. Una manifestazioni chì si teni dipoi 19 anni inde ssu locu cintrali di a cità ; l'uccasioni d'aduniscia l'editori di tutta a Corsica accumpagnati d'autori chì prisintarani i so opari. Un salonu pà u publicu isulanu ma dinò pà a ghjenti di passaghju, pudendu racoglia una maghjina di l'isula grazia à ssa diversità maiò di a pruduzzioni scritta in corsu è in francesi. U scopu di l'urganizatori hè d'incalcà nant'à i nuvità ma dinò di dà a pussibilità à u lettori di cunnoscia libri di u fondu, publicati par asempiu deci anni fà o ancu di più, è chì ùn si trovani guasgi più ind'i librarii. A siconda ghjurnata di l'editori corsi di l'istati sarà urganizata l'8 d'aostu, sempri annant'à a piazza Foch in Aiacciu.
Steti à senta à Alain Piazzola, editori è presidenti di l'associu di l'editori crosi, urganizatori di ssi ghjurnati.
Sur le même sujet
