Premières élections dans l'ensemble de la fonction publique le 4 décembre prochain
(A redazzioni d'Alta Frequenza) - Hè a prima volta ind'a storia chì un'alizzioni simuli sarà urganizata. U 4 di dicembri, tutti l'agenti di i trè cumpunenti di a funzioni publica, vali à dì quilla di Statu, tarrituriali è di u settori di l'uspidali, ciò chì raprisenta guasgi 5 millioni di parsoni à u nivellu naziunali, ani da vutà pà sceglia i so raprisintanti in tutti l'istanzi di cuncertazioni. Ss'alizzioni - ci voli à renda i listi à u più tardi à u principiu di l'ultimi quindeci ghjorni d'uttrovi - hà da cuncirnà in Corsica millai di parsoni. I sindicati aspettani assai di ss'alizzioni storichi ind'a funzioni publica, spirendu chì ci sarà una migliurazioni di u dialogu suciali inghjiru à sughjetti è rivindicazioni chì toccani l'agenti tutti i ghjorni. L'urganisazioni eletti t'avarani d'altrondi u puteri di neguzià cù l'impieganti publichi è di cuncluda accordi.
Steti à senta i spiecazioni di Jean Michel Biondi, pà a CGT di Corsica Suttana, chì t'hà assai spiranzi pà ss'alizzioni.
Sur le même sujet
