Premières pistes d'action pour la cellule de veille économique pour le BTP en Corse
(A redazzioni d'Alta Frequenza) - Riunioni arimani (ghjovi) in prifittura di Corsica in Aiacciu di a cellula di veghja ecunomica in u settori di a custruzzioni è di i travaghji publichi. Inghjiru à a tola, i dui prifetti di l'isula, ma dinò i raprisintanti di a CTC, di i dui dipartimenti, di i camari cunsulari, è di sicuru, è a lista ùn hè micca sana, di l'attori di u BTP di l'isula. Una cellula di veghja missa in ballu in fin d'annata scorsa, cù u scopu d'accumpagnà ssu settori cunsidaratu com'è mutori di l'ecunumia corsa, è pà pudè analizà, anticipà è prupona pussibilità d'azzioni. Calchì sciffru hè statu amintatu : cuncirnendu a situazioni di u BTP, è a custruzzioni d'alloghji novi, erami à a fin di dicembri di u 2014 à 3794 alloghji autorizati, vali à dì -21,9% annant'à un annu ; una tindenza chì riparti in crescita malgradu tuttu à u prima trimestru di u 2015, cù 1077 alloghji novi custruiti autorizati, vali à dì +2,9%. Aldilà di ssi dati, hè nicissariu di fà a diffarenza trà a cumanda publica, chì l'attori cuncirnati volini migliurà assai, grazia à una cartula, è a cumanda privata, di chì si faci suventi calcosa di glubali quand'ellu si tratta di cumintà i prublemi ch'ellu pò scuntrà u settori. Ùn saria micca meghju di spiccà bè i dui poli ?
Steti à senta à Christophe Mirmand, u prifettu di Corsica.
Sur le même sujet
