Présentation des axes de travail et de performance de l’hôpital d’Ajaccio
(A redazzioni d'Alta Frequenza) - U merri d'Aiacciu, u Direttori di l'Agenza Righjunali di a Saluta di Corsica è l'amministratori pruvisorii di l'uspidali di a Miséricorde, prisintavani issu dopu meziornu (marcuri) l'assi di travaghju è di parfurmenza di l'uspidali d'Aiacciu. À u primu pianu bella sicura, a custruzzioni di u futuru uspidali. Parchì hè oramai ufficiali, è cunfirmatu da un lettara di u ministru di a Saluta Marisol Touraine, in u 2017, a cità Imperiali t'avarà un uspidali novu. Una lettara di missioni pà a direzzioni attuali di a Miséricorde pà suvità è survighjà l'evuluzioni di u cantieru. U prezzu di issa custruzzioni saria di 150 millioni d'auri, finanziata à 90% da u Statu. Aspittendu à què, accunciamenti ani da essa rializati, nant'à l'anzianu situ, pà assicurà una più bona accolta è una seguita di i pazienti più bona dinò. Si tratta frà altru di a ricustruzzioni di l'urghjenzi, di a criazioni di un'unità neuro vascularia, di un'allarghera di u sughjornu cortu geriatricu è di a mutualisazioni di i mezi cardio cù un partenariatu strettu cù Clinisud.
Explications et détails de Jean-Jacques Coiplet, le Directeur de l’ARS de Corse.
Sur le même sujet
