Présentation du bilan d'activité des services de sécurité en Corse en 2012
(A redazzioni d'Alta Frequenza) - Hè un affari di staghjoni, u prifettu di Corsica, dopu à i tribunali di Bastia è d'Aiacciu è u prucuratori ghjinirali pà a Corsica, hà prisintatu, par contu soiu, u bilanciu d'attività di i servizii di securità in Corsica, è què pà l'annu 2012. Emi dighjà ammintatu di manera larga tutti issi sciffri chì dimostrani, pà tuttu ciò chì tocca à a viulenza urdinaria di una speci di stabilità malgradu i cresciti inde certi settori. I priurità di u Statu in materia di securità, hà fattu i tituli maiò di a stampa annu fà, si portani particularmenti nant'à a grandi delinquenza è a ripresa di a viulenza pulitica. Dopu à l'avenimenti dramatichi di u 2012, u Statu hà dicisu d'andà di fronti cù, ci n'arricurdemi, a ghjunta nant'à l'isula, è parechji volti, di u ministru di l'Internu è di quillu di a Ghjustizia. Da tandu, a famosa circularia specifica à a Corsica in materia di securità si metti in ballu à pocu à pocu è 25 funziunarii spicializati inde parechji duminii ani dighjà presu i so funzioni.
Au-delà de la rigueur des chiffres, écoutez le sentiment de Patrick Strzoda sur cette question épineuse.
