Présentation du schéma des travaux routiers sur le territoire ajaccien
(A redazzioni d'Alta Frequenza) - U Dipartimentu di Corsica Suttana prisintava oghji (luni) u schema di i travaghji stradali à vena annant'à u tarritoriu di a cità d'Aiacciu. Un tarritoriu cù 50 chilometri di stradi dipartimintali annant'à a cumuna è chì rendi nicissarii oghji accunciamenti numarosi. S'hè incalcatu torna assai ssu luni annant'à u fattu chì s'è i tarritorii rurali t'ani bisognu d'accunciamenti, vali dinò pà Aiacciu, capitali regiunali, è annant'à i stradi pà induv'ellu passa assai assai mondu, ch'ella sia a pupulazioni lucali o i turisti. Ssi travaghji t'ani parechji scopi : par asempiu di risponda à a migliurazioni di u quadru di vita, dà una risposta à a crescita di u trafficu stradali, fà rinascia l'assu strategicu chì hè quillu di a strada di i Sanguinari grazia à travaghji sfarenti o ancu di tena una piazza pà i spiazzamenti ditti "dolci".
Prima di prisintavvi u ditagliu di i travaghji ind'i nostri nutiziali chì venini, steti à senta à Pierre Jean Luciani, u presidenti di u Cunsighju Dipartimintali di Corsica Suttana, prisintacci a filusufia è l'impurtanza di tuttu què.
Sur le même sujet
