Présentation du schéma régional d'intelligence économique
(A redazzioni d’Alta Frequenza) - U schema righjunali d’intellighjenza ecunomica, o à menu u foghju di strada chì porta à a so elaburazioni, hè statu prisintatu a settimana scorsa à l’Assemblea di Corsica. Quand’ellu si tratta d’intellighjenza ecunomica, bisogna à capiscia u sviluppu criscenti di i tennulugii novi di l’infurmazioni è di a cumunicazioni, chì ind’un cuntestu d’ecunumia mundializata pò arricà à volta incunvenienti, à volta vantaghji. Oghji, l’infurmazioni hè divintata una materia prima strategica, è bisogna dunqua à tirà ni i benefizii cumpetitivi è strategichi. Oghji, a presa à buzeffu di i tennichi è di i sapè fà nant’à Internet hè sistematica è ci voli dunqua à truvà i mecanisimi, crià i strutturi chì parmettini di tirà prufittu à u meghju di u sistema senza patta ni l’incunvenienti. U schema corsu, com’ellu hè prisintatu, si difiniscia inghjiru à l’assi chì suvitani : 1. Urganizà a sensibilisazioni è a furmazioni di l’attori ecunomichi. 2. Sustena i filieri è l’intrapresi mutualizendu i risorzi. 3. Sviluppà soprattuttu a securità ecunomica. 4. Rinfurzà l’attrattività di a Corsica. 5. Infini metta in reta l’infurmazioni.
Ecoutez Jean Zuccarelli, président de l'ADEC.
