Présidentielle : les deux faces d’une campagne
(A redazzioni d'Alta Frequenza) - A campagna eletturali pà l'alizzioni prisidinziali hè intruta in a so fasa a più attiva è u grandi show di ssu marti à sera à a televisiò n'hè l'illustrazioni parfetta. A campagna ditta ufficiali principiarà ssu luni è ci hà da vulè à fighjulà bè u cronometru, in tutti i casi ind'i media audiuvisivi, pà pudè dà à l'ondeci candidati u tempu di parolla ch'elli devini avè. Aldilà di a mediatisazioni sprupusitata, a campagna si passa dinò di manera più discreta, cù menu mondu, certi volti inde picculi sali daretu à i caffè. Era u casu pà u cumitatu di sustegnu à Emmanuel Macron, chì s'hè adunitu calchì ghjornu fà in Aiacciu.
Steti à senta à Ugo Arena, u so mandatariu pà a Corsica.
Sur le même sujet
