Présidentielle : Rinnovu interpelle les candidats pour une véritable solution politique en Corse
(A redazzioni d'Alta Frequenza) - U Rinnovu Naziunali lampa una chjama à i candidati pà l'alizzioni prisidinziali in una lettara aparta prisintata ssu marcuri à a stampa. U muvimentu indipendentistu, chì volta nant'à i mumenti maiò di a Storia pulitica di a Corsica da a so indipindenza sottu à Pasquale Paoli fin'è l'epica attuali, faci valè punti di gran primura da fà chì l'isula cunniscissi una sorti nova di pettu à quilla d'oghji. A ricunniscenza ghjuridica di u populu corsu è di i so diritti naziunali in tarra soia, un puteri legislativu pà l'Assemblea di Corsica, un statutu d'autunumia transitoriu nant'à a basa minima di l'articulu 74 di a Custituzioni, referendu d'autoditarminazioni nant'à l'indipindenza da quì à u 2032, arrigulamentu difinitivu di u prublema di i prighjuneri pulitichi, parechji temi impurtantissimi nant'à chì u Rinnovu Naziunali voli cunnoscia u parè di i candidati. Ùn ci pudemi cuntintà oghji, dici u muvimentu indipendentistu, d'una riforma amministrativa com'è a cullittività unica pà fà avanzà a Corsica, qualifichendu u guvernu attuali di quillu chì hè statu "u più ghjacubinu chì l'isula avissi cunnisciutu".
Steti à senta à Paul Félix Benedetti.
Sur le même sujet
