PRG: exclusion confirmée pour François Tatti
(A redazzioni d'Alta Frequenza) - Era ufficiali dighjà dipoi un certu tempu, hè fatta fatta oramai dopu à a publicazioni ssu marcuri di un cumunicatu : u scagnu naziunali di u Partitu Radicali di Manca hà sclusu, à l'unanimità, François Tatti. Una sclusioni chì hè intarvinuta, rammintemu la, dopu à l'annunziu ufficiali di a candidatura fora di u partitu di ss'ultimu pà l'alizzioni municipali di marzu di u 2014 in Bastia. Rammintemi dinò chì u PRG hà accurdatu, di lugliu scorsu, a so investitura à Jean Zuccarelli, è chì a regula di l'unicità di a so candidatura s'appieca. François Tatti, finisci u cumunicatu di u scagnu naziunali di u partitu, "ùn pò oramai nè pratenda raprisintà o cunsidarà si com'è di u PRG". Ferma à sapè oramai chì sarà a pusizioni di u gruppu Gauche Républicaine à l'Assemblea di Corsica induva ellu c'hè François Tatti, à mezi à altri membri di u PRG. A quistioni ùn hè micca arrigulata par avà...
