Prison de Borgu : la mise au point très nette de l'Associu Sulidarità
(A redazzioni d'Alta Frequenza) - Puntu più cà chjaru arisera (marti) di l'Associu Sulidarità, appughjatu da a Lega di i Diritti di l'Omi, dopu à certi dichjarazioni fatti nant'à a prighjò di Borgu. Innò! Borgu, ùn hè micca u club Med o una parti di una cità universitaria, hè ciò ch'ellu voli risponda Sulidarità à u prucuratori di Bastia è soprattuttu à u rispunsevuli naziunali di u sindicatu FO prighjoni. Pighjendu torna una volta com'è asempiu u casu di Thierry Gonzalez, l'associu parla d'incidenti à ripetizioni in Borgu, d'uffesi, di gendarmi chì sbarcani ind'i carciari, d'abusi d'autorità di qualsiasi manera. Sicondu Sulidarità u direttori, cù u sustegnu di certi funziunarii, ùn pianta micca di pruvucà è di turmentà prighjuneri scelti com'ellu ci voli. Accusazioni gravi furmulati com'è una dumanda à a vigilia di a visita in Corsica di Christiane Taubira, a ministra di a Ghjustizia, chì sarà quì dumani pà ammintà issu prublema di i prighjò.
Écoutez Jean-Marie Poli, pour l'association.
Sur le même sujet
