Prisonniers politiques : les lycéens corses restent mobilisés
(A redazzioni d'Alta Frequenza) - Mubilisazioni nova di i liceani aiaccini à a chjama di a Ghjuventù Indipendentista ssu vennari da mani davanti a prifittura di Corsica pà dumandà l'annistia di i prighjuneri pulitichi corsi. Vuliani dinunzià in particulari torna i cundizioni d'incarcerazioni di dui ghjovani corsi à l'isulamentu in a prighjoni di Fleury Mérogis, Xavier Ceccaldi è Cédric Courbey. Ssi liceani bramavani di fà sapè ch'elli firmarani mubilizati è chjamani u populu corsu sanu à participà à i sfarenti aduniti urganizati da l'Associu Sulidarità ssu sabbatu à 4 ori in tutta l'isula è par asempiu davanti a prifittura d'Aiacciu. Da un'antra banda, a greva di i piatti cuntinueghja in a prighjoni di Borgu, in sustegnu à i prighjuneri pulitichi corsi.
Steti à senta à Paulu Antonu Squarcini, liceanu chì faci parti di a Ghjuventù Indipendentista.
Sur le même sujet
