Problème du foncier : l'avis de Simon Renucci
(A redazzioni d'Alta Frequenza) - U prublema di u fundariu ùn hè micca un prublema di finanziamentu, ma bè quillu di una vulintà pulitica ! Hè ciò chì hè statu incalcatu, cù cunvinzioni forti, arimani (marcuri) da u ministru di l'Alloghju, à l'uccasioni di u so viaghju in Corsica. D'appressu à Benoist Apparu, ùn ghjova à nulla di vulè dumandà à voci rivolta finanziamenti in più da a parti di u Statu, s'è issi finanziamenti ùn si poni investiscia, par via di una mancanza di dispunibilità fundarii è di vulintà pulitica. A cità d'Aiacciu hè stata particularmenti tocca arimani à l'uccasioni di una cunfarenzi di stampa, com'è Maria Giudicelli, nant'à a quali sò falati i cutrati. Emi racoltu u sintimu di i dui diputati di Corsica Suttana nant'à una quistioni chì ùn pianta d'avvilinà a vita publica dipoi un pezzu. Simon Renucci hà vulsutu riagiscia à l'uffesi fatti certu da u ministru, ma soprattuttu da un "mandatu spiciali" di Nicolas Sarkozy.
Écoutez-le
Sur le même sujet
