Problèmes de circulation autour du collège-lycée Jeanne d'Arc à Bastia : action des professeurs
(A redazzioni d'Alta Frequenza) - Ssu ghjovi, à meziornu, parechji prufissori di u culleghju è di u liceu Jeanne d’Arc ani distribuitu fuglietti à l’autumubilisti davanti a casa cumuna di Bastia. A raghjoni di ss’azzioni : i prublemi di circulazioni è di staziunamentu chì toccani u stabilimentu sculari è i so lochi vicini, in u viali Benoîte Danesi. Staziunamentu anarchicu, ingorghi è imprudenzi sò quì, l’isciuta di l’elevi essendu ancu quilla, dipoi a riintrata, di i scoli materni è primarii di u stabilimentu d’insignamentu privatu. S’è par avà, ùn c’hè statu nulla di gravi sicondu i prufissori, ss’ultimi sittimani, s’hè passatu vicinu à a catastrofa parechji volti, certi elevi essendu ubligati à passà annant’à a strada, postu ch’ella manca a piazza annant’à i tighjati occupati in parti, è ancu appena troppu, da i vitturi. Quissi quì dumandani à a merria di Bastia è à a CAB di metta in ballu in furia suluzioni, par asempiu in tarmini di trasportu in cumunu.
Steti à senta à Dominique Turchi, prufissori di scenzi fisichi in u culleghju è u liceu privatu Jeanne d’Arc.
