Procès des gîtes ruraux : la défense de Paul Giacobbi plaide aussi la relaxe
(A redazzioni d'Alta Frequenza) - Ultima avucata di a difesa in u quadru di u prucessu di l'alloghji campagnoli cù una sintenza chì sarà cunnisciuta u 25 di ghjinnaghju à 2 ori, quilla di a difesa di Paul Giacobbi. Maestru Jean Louis Seatelli, dopu un attaccu putenti contr'à l'associu ANTICOR, hà parlatu "di screnu di ùn sò chì" lanciatu da u prucuratori di a Republica, è di dumandi di u ministeru publicu "pà fà piacè à l'upinioni". Luttendu d'appressu à ellu contr'à "un cumplottu mediaticu è di pulitichella" lanciatu à l'avvicinera di l'alizzioni tarrituriali, l'avucatu di Paul Giacobbi hà pruvatu à sfà a tesa missa in avanti da l'accusazioni, pà un clienti chì s'hè battutu "contr'à l'illegalità" duranti a so carriera sana, è chì era solu "un'autorità d'esecuzioni". Jean Louis Seatelli hà missu in evidenza u fattu chì pà a "prima volta in quarantunu anni di carriera", hà vistu u magistratu struttori ghjustificassi nant'à un prucessu verbali di a so intarpritazioni di l'affari. Sempri d'appressu à Jean Louis Seatelli, Jacques Costa, à a barra, s'hè vindicatu puliticamenti di pettu à u fattu ch'ellu ùn hè micca statu elettu torna duranti l'alizzioni dipartimintali di u 2015.
Un'avucata chì s'hè compia cù una dumanda d'assoluzioni ch'ellu ci spiega maestru Jean Louis Seatelli.
Sur le même sujet
