Procès des gîtes ruraux : la défense de Thierry Gamba-Martini demande sa relaxe
(A redazzioni d'Alta Frequenza) - Ultimu ghjornu d'audienza di u prucessu di l'alloghji campagnoli davanti u Tribunali Currizziunali di Bastia, cù l'avucati di a difesa di Paul Giacobbi è Thierry Gamba Martini. Hè a difesa di u sicondu chì hè stata a prima in azzioni. Maestru Jean Sébastien de Casalta, putenti è propiu in zerga hà criticatu dumandi di u ministeru publicu caricaturali è cuntistevuli, cù "accumudamenti cù l'ughjettività a più elementaria" d'appressu à ellu, cù u parè chì Nicolas Bessone s'hè fattu "pinsatori libaru". Pà l'avucatu di Thierry Gamba Martini, cuncirnendu l'accusazioni, ci "vulia à mustrà, fin'è a fini, ch'ellu t'avia cunniscenza di u tavulonu di i benefiziari", u prucuratori di a Republica pighjendu d'appressu à ellu "a so visioni di i cosi pà a rialtà" arrimbendusi à una "custruzzioni senza mancu un argumentu". Quissu quì hà dumandu ch'ella ùn sighi micca prununziata a "morti civili di u so clienti" è ch'ellu sighi assoltu.
Steti à senta à Jean Sébastien de Casalta.
