Professions libérales : le mouvement de grève fortement suivi en Corse
(A redazzioni d'Alta Frequenza) - I mistieri liberali sò assai scuntenti è a facini sapè. Un muvimentu di greva naziunali hè statu lanciatu contr'à u prughjettu di riforma di u guvernu, ed hè suvitatu di manera forti in Corsica. Avucati, nutari, usceri ma dinò farmacisti, biulugisti, generalisti, spicialisti o dintisti ani dicisu di ùn micca travaghjà oghji. Pà i mistieri medicali, servizi di guardia sarani missi in ballu. Ind'u casu pricisu di i farmacii, i prufiziunali di saluta sò contr'à l'apartura pussibuli di ssi farmacii à u capitali o a srigulamentazioni di a distribuzioni di i medicini. A maiò parti di i farmacii sarà sarrata dunqua oghji (marti). Si pò truvà a lista di quilli chì fermani aparti annant'à u situ di l'Agenza Righjunali di a Saluta.
Sur le même sujet
