Projet de co-officialité de la langue corse : l'avis du STC
(A redazzioni d'Alta Frequenza) - U cumitatu direttori di u cunsighju di a lingua corsa à a Cullettività Tarrituriali, prisintarà marti chì veni à i sfarenti gruppi pulitichi di l'emiciculu u testu di u prughjettu di co ufficialità di a lingua corsa. Quissu quì sarà prupostu à u votu un'antra volta, dopu essa statu rivistu di pettu à tutti l'usservazioni arricati da i sfarenti cumpunenti di issu prughjettu, di chì facini parti i sindicati. Parechji, chì ani presu cunniscenza di u testu in principiu di settimana dopu una riunioni cù u cumitatu direttori, ani criticatu punti numarosi, frà i quali quillu di a furmazioni di i funziunarii cù aspetti diversi, ammintendu dinò un carattaru "discriminatoriu" nant'à l'idea chì a lingua corsa divintessi nicissaria par avè un postu inde l'isula. Pà u STC inveci, u missaghju passatu da u cunsighjeru esecutivu incaricatu di issu cartulari, Pierre Ghionga, di ridà un veru intaressu ecunomicu è suciali à a lingua, hè statu ricivutu di manera più cà favurevuli. U sindicatu naziunalistu chì, nant'à u latu di l'impiecu, dinunzia cù forza l'idea di "discriminazioni", parlendu piuttostu di "demucratisazioni di l'accessu à u corsu" è "d'integrazioni".
Écoutez Jean-Pierre Luciani pour le STC.
Sur le même sujet
